Studenti li jkunu għadhom ma għalqux is-16-il sena fid-data ta’ meta jissottomettu l-applikazzjoni online tagħhom għall-Istipendji u l-Għotjiet, huma meħtieġa jtellgħu formola ta’ kunsens li turi l-kunsens tal-ġenituri jew tal-gwardjani legali tagħhom. Din il-formola ta’ kunsens tista’ titniżżel minn hawn, u trid tkun iffirmata kif suppost minn wieħed mill-ġenituri/gwardjani, u mbagħad tittella’ mal-applikazzjoni online f’format PDF jew JPG.

In-nuqqas li tiġi mehmuża l-formola ta’ kunsens, meta din tkun meħtieġa, jipprevjeni l-ipproċessar ulterjuri tal-applikazzjoni online. F’każijiet bħal dawn, l-applikazzjoni online terġa’ tinfetaħ u tintbagħat lura lill-istudent/ai sabiex j/timla l-informazzjoni meħtieġa.

Il-formola ta’ kunsens tista’ tiġi rtirata billi tiġi sottomessa talba bil-miktub indirizzata lill-Bord tal-Għotjiet għall-Manteniment tal-Istudenti.

It-talbiet għall-irtirar għandhom isiru bil-miktub u jiġu indirizzati lil:

Il-Bord tal-Għotjiet ta’ Manteniment lill-Istudenti
Kamra 235, Ministeru għall-Edukazzjoni u l-Isport
Triq l-Assedju l-Kbir
Furjana