L-edukazzjoni universitarja hu t’importanza fundamentali minħabba li fuqha jorbtu numru t’oġġettivi -fost dawn li jkun hemm ħaddiema mħarrġa sew kemm akkademikament, kif ukoll fis-snajja, u l-iżvilupp t’oqsma ġodda ta’ studju u speċjalizazzjoni. L-edukazzjoni hi l-qofol tal-progress ekonomiku u soċjali f’Malta u hi essenzjali għall-iżvilupp personali kontinwu għal ħafna nies.

Il-Gvern jemmen li l-istudenti jistgħu isibu direzzjonijiet validi ta’ tagħlim fil-programmi/korsijiet li huma pprovduti jew minn Istituzzjonijiet Barranin għall-Edukazzjoni Għolja jew permezz ta’ Istituzzjonijiet għall-Edukazzjoni Għolja privati li huma rikonoxxuti f’Malta.

L-Iskema Governattiva għall-Istudenti tal-Ewwel Grad -Baċċelerat (MGUS) 2024-25 għandha l-għan li tipprovdi iktar opportunitajiet lill-istudenti sabiex jimxu ‘l quddiem fl-istudji tagħhom fil-livelli 4, 5 u 6 tal-MQF u li jinkludu kwalifiċi vokazzjonali/ akkademiċi u lawriji/kwalifiċi tal-Baċċellerat f’livelli 6 jew ekwivalenti skont il-Qafas tal-Kwalifiċi kif spjegati mill-Awtorita’ għall-Edukazzjoni Għolja u Post-Sekondarja ta’ Malta (MFHEA)

Studenti li jkollhom bżonn iktar tagħrif dwar il-Qafas Nazzjonali għall-Kwalifiċi jistgħu jikkuntattjaw lill-Awtorita’ għall-Edukazzjoni Għolja permezz tan-numru telefoniku +356 25981489 or jew inkella permezz tas-sit elettroniku  https://mfhea.mt.

Permezz ta’ din l-iskema, il-Gvern qed jestendi l-appoġġ finanzjarju disponibbli lill-istudenti fl-Universita’ ta’ Malta, tal-IMCAST, u l-Universita’ Amerikana ta’ Malta (AUM), kif ukoll studenti oħra li qed jieħdu studji ekwivalenti f’istituzzjonijiet private f’Malta u barra minn Malta, sakemm il-programmi ta’ studji li jkunu qegħdin jieħdu huma rikonoxxuti u akkreditati mill-Awtorita’.

Oġġettivi Fundamentali

L-oġġettivi fundamentali ta’ dawn il-korsijiet huma:

• Li jinkoraġġixxu iktar parteċipazzjoni studenteska f’livelli ta’ sotto-gradwati f’Malta u barra minn Malta;
• Li jmexxu ‘l quddiem eċċellenza akkademika/vokazzjonali fis-settur tat-tagħlim privat;
• Li l-istudenti ikollhom għażla iktar wiesgħa fl-għażliet tal-istudji li jwasslu għall-lawriji u kwalifiċi oħra kif ukoll għażla tal-istituzzjonijiet.
• Sabiex wieħed ikun eliġibbli għal din l-iskema l-applikanti għandhom ikunu reġistrati bħala student full-time, jkunu preżenti fil-kampus u jkunu qed jistudjaw f’waħda minn dawn l-istituzzjonijiet.
• Istituzzjoni għall-Istudji fl-Edukazzjoni Għolja privata li tkun irreġistrata u awtorizzata jew ċentru ta’ tagħlim li jkun illiċenzjat f’Malta u li jkun qed joffri korsijiet li jkunu ġew approvati u li jwasslu għall-Livell 4, 5 jew 6 tal-MQF jew ;
• Istituzzjoni għall-Istudji fl-Edukazzjoni Għolja li tkun qed toffri kwalifiċi rikonoxxuti mill-Awtorita’ għall-Edukazzjoni Għolja u li jwasslu għall-Livell 4, 5 jew 6 fl-MQF.

Nota: Din l-iskema teskludi student irrġeistrati f’korsijiet ta’ tagħlim mhux fuq il-Kampus (distance learning) kemm full-time jew part-time, korsijiet part-time u korsijiet imħalltin.

Sakemm għall-għanijiet ta’ din l-iskema, kwalifiċi rikonoxxuti f’livell 4, 5 jew 6 tal-MQF  ifissru li dawn il-kwalifiċi huma kklassifikati bħala korsijiet tal-ewwel grad Baċċelerat/vokazzjonali ekwivalenti għall-livell 6 tal-MQF miċ-Ċentru ta’ Tagħrif għar-Rikonoxximent tal-Kwalifiċi (MQRIC) fi ħdan l-Awtorita’ għall-Edukazzjoni Għolja (MFHEA).

F’din l-applikazzjoni, l-istudenti huma mitluba sabiex jiddikjaraw jekk ux qed jibbenefikaw minn xi borża ta’ studju jew kienu benefiċjarji ta’ għotjiet għall-istudenti minn kwalinkwa istituzzjoni edukattiva. Dan jiddetermina l-eliġibilta’tat-talba tagħhom. L-istudenti għandhom jinfurmaw il-Bord għall-Għotjiet tal-Istipendji immedjatament jekk huma ġew aċċettati għal kwalinkwa forma ta’ iffundjar minn kwalinkwa istituzzjoni jew korp meta huma kienu qed jiedħu għotjiet mill-Bord tal-Istipend

L-istudenti jistgħu japplikaw permezz ta’ din il-ħolqa elettronika :  https://studentgrants.gov.mt/login

Ir-regoli għall-Iskema Governattiva għall-Istudenti tal-Ewwel Grad Baċċelerat jinstabu hawnhekk.

L-applikazzjonijiet jagħlqu nhar it-30 ta’ Ġunju 2025. Mhux serjin jiġu aċċettati iktar bidliet fl-applikazzjonijiet wara din id-data tal-għeluq.