stipendsandgrants.gov.mt
stipendsandgrants.gov.mt
It-Taqsima tal-Għotjiet ta’ Manteniment għall-Istudenti (SMGU) fi ħdan il-Ministeru għall-Edukazzjoni, l-Isport, iż-Żgħażagħ, ir-Riċerka u l-Innovazzjoni, b’kollaborazzjoni mal-Istitut għas-Servizzi Pubbliċi fi ħdan id-Diviżjoni tan-Nies u l-Istandards fl-Uffiċċju tal-Prim Ministru, qed tistieden lill-istudenti japplikaw għall-Iskema ta’ Esperjenza ta’ Xogħol fis-Sajf għall-Istudenti 2026.
Min Jista’ Japplika
Jistgħu japplikaw biss studenti li temmew l-edukazzjoni sekondarja obbligatorja tagħhom (Year 11/Form V) matul is-sena skolastika kurrenti 2025–2026.
L-istudenti l-oħra kollha għandhom japplikaw taħt l-Iskema IPS Students Scheme – Summer + Programme) amministrata mill-Istitut għas-Servizzi Pubbliċi (IPS).
Kif Tapplika
L-istudenti interessati għandhom jissottomettu applikazzjoni online fuq:
https://edurecruitment.gov.mt/
X’Għandu Jiġi Pprovdut mall-Applikazzjoni Online
L-applikanti huma meħtieġa jtellgħu fuq l-applikazzjoni:
Studenti li se jtemmu l-edukazzjoni sekondarja obbligatorja tagħhom matul is-sena skolastika kurrenti (2025–2026) għandhom ukoll jippreżentaw dikjarazzjoni mill-Kap tal-Iskola rispettiv li tikkonferma li temmew Year 11/Form V.
Dawk li jonqsu milli jissottomettu d-dokumenti kollha meħtieġa b’mod korrett, inklużi l-kopji skannjati mitluba, jiġu skwalifikati mill-iskema.
Dati tal-Applikazzjoni
L-applikazzjoni tiftaħ nhar il-Ġimgħa, 24 ta’ April 2026 f’nofsinhar u tagħlaq nhar il-Ġimgħa, 05 ta’ Ġunju 2026 f’nofsinhar (ħin lokali).
Fażijiet tax-Xogħol u Flessibbiltà
L-istudenti huma meħtieġa jagħżlu qasam ta’ studju ta’ interess. Minħabba l-għad kbir ta’ applikanti, l-istudenti jiġu assenjati għal Phase/fażi waħda (1) li tikkonsisti minn erba’ (4) ġimgħat.
Madankollu, l-istudenti jistgħu japplikaw għal:
L-Applikazzjonijiet għaż-żewġ Phases/fażijiet iżżid il-flessibbiltà u l-possibilita` li l-applikanti jingħataw oppotunita` ta’ xogħol.
In-numru ta’ postijiet disponibbli jiddependi fuq in-numru ta’ applikazzjonijiet li nirċevu minn min iħaddem fis-Servizz Pubbliku/Settur Pubbliku.
Wara l-proċess ta’ verifika, studenti eliġibbli jkunu meħtieġa jagħmlu test online. Dawn jiġu nfurmati b’stedina fil-kalendarju, bid-data u l-ħin tat-test, lil dawk li jirriżulta li jkunu eliġibli.
L-assenjament jiddependi fuq:
Peress li din hija skema ta’ esperjenza ta’ xogħol, l-SMGU mhix obbligata li tassenja lill-istudenti skont il-qasam ta’ studju magħżul minnhom.
Fażijiet tax-Xogħol
| Fażi 1 | Fażi 2 |
|---|---|
|
Mis-6 ta’ Lulju 2026 sal-31 ta’ Lulju 2026 |
Mit-3 ta’ Awwissu 2026 sal-4 ta’ Settembru |
Ħlas u Drittijiet
Il-ħlas huwa stabbilit b’rata ta’ €8.51 fis-siegħa, skont l-Iskala tas-Salarju 16 tas-Servizz Pubbliku.
L-istudenti ma jistgħux jaħdmu akta minn 80 siegħa. It-80 siegħa jinkludu assenza skużata u l-assenza minħabba mard. Għaldaqsant ma jistax isir ħlas għal sigħat maħduma żejda jew mhux maħduma.
L-istudenti huma ntitolati għall-benefiċċji li ġejjin għal kull fażi:
| Assenza Skużata (Vacation Leave) | Bonus | Suppliment tad-Dħul | Assenza Minħabba Mard |
|---|---|---|---|
|
7 sigħat |
€10.39 |
€9.32 |
8 sigħat b’paga sħiħa –
8 sigħat b’nofs paga |
Reġistrazzjoni ma’ Jobsplus
L-istudenti għandhom jiżguraw li l-impjieg tagħhom jiġi rreġistrat ma’ Jobsplus permezz tal-Formola ta’ Ingaġġ, skont il-Kapitlu 594 (Att dwar Servizzi ta’ Impjieg u Taħriġ), ladarba jiġu assenjati impjieg.
Min iħaddem għandu jissottometti l-Formola ta’ Terminazzjoni ta’ Jobsplus fi tmiem kull fażi ta’ xogħol.
F’kas ta’ nuqqas li jiġu rreġistrati b’mod korrett il-bidu u t-tmiem tal-impjieg, dan jista’ jwassal għal informazzjoni mhux preċiża fl-Istorja tal-Impjieg tal-istudenti ma’ Jobsplus.
Noti Oħra
Kuntatt
Għal aktar informazzjoni:
Email: [email protected]
Ippubblikat: 24 ta’ April 2026