Supplementary Grants - The Department

Stipendji u Għotjiet Supplimentari

L-Istipendi u l-Għotjiet Supplimentari huma fondi monetarji addizzjonali mogħtija lill-istudenti li qed jaffaċċjaw ċerti ċirkustanzi ta’ tbatijiet u, jew sitwazzjonijiet umanitarji li jridu jkunu msaħħa bi prova li tkunu tista’ tiġi meqjusa mill-Bord għall-Għotjiet ta’ Manteniment għall-Istudenti.

L-Istipendi u l-Għotjiet Supplimentari huma maqsuma f’żewġ livelli:

Rati ta’ Stipendju Supplimentari – Dawn jiġu akkreditati lill-istudenti li jkunu eliġibbli għall-Istipendju Supplimentari u jitħallsu kull erba’ ġimgħat flimkien mal-istipendju normali.
L-Għotja Supplimentari – Din tingħata darba bħala ammont wieħed lill-istudenti li jkunu eliġibbli għal dan id-dritt u li jkunu qed jistudjaw f’livelli MQF 5 jew 6.

Kundizzjonijiet

L-istudenti li japplikaw għal Istipendju Supplimentari sal-31 ta’ Diċembru 2024 se jibbenefikaw mill-istipendi u l-għotjiet mill-bidu tas-sena akkademika rispettiva. Dawk li japplikaw minn Jannar 2025 ‘il quddiem se jibbenefikaw mill-iStipendi u l-għotjiet mid-data tal-applikazzjoni tagħhom.
L-istudenti eliġibbli għall-iStipendju biss jistgħu jiġu kkunsidrati għall-eliġibbiltà tal-iStipendi u l-Għotjiet Supplimentari (jekk applikabbli).
Id-dokumentazzjoni kollha relatata mat-talba għal dritt supplimentari trid titella` fuq l-applikazzjoni online għall-iStipendi u l-Għotjiet. Minħabba n-natura sensittiva ta’ ċertu dokumenti, l-ebda ħin dawn id-dokumenti m’għandhom jintbagħtu bl-email jew jingħataw lil uffiċjali tal-Uffiċċju tal-Istipendi jew tas-servizz.gov/edu.servizz.gov
L-applikazzjonijiet u d-dokumenti kollha mtellgħin jgħaddu minn proċess rigoruż ta’ verifika qabel jiġu kkunsidrati mill-Bord tal-Għotjiet għall-Manteniment tal-Istudenti. Dan huwa meħtieġ biex tinħareġ deċiżjoni finali uffiċjali.
L-istudenti għandhom dmir li jinfurmaw lill-Bord tal-Għotjiet għall-Manteniment tal-Istudenti b’email, billi jużaw il-buttuna ‘ikkuntatjana’ fil-formola tal-applikazzjoni online, jekk ikun hemm xi tibdil fiċ-ċirkustanzi li jaffettwa l-eliġibbiltà tagħhom.
Applikazzjonijiet tard għall-iStipendju Supplimentari jiġu kkunsidrati mill-Bord tal-Għotjiet għall-Manteniment tal-Istudenti biss jekk iċ-ċirkustanza li taffettwa l-eliġibbiltà sseħħ wara d-data tal-għeluq tal-applikazzjonijiet.
Applikazzjonijiet għal dritt Supplimentari mingħajr dokumentazzjoni jew b’dokumentazzjoni mhux kompleta, ma jistgħux jiġu pproċessati.
Il-Bord tal-Għotjiet għall-Manteniment tal-Istudenti jżomm id-dritt li jirrifjuta applikazzjonijiet li jitħallew mingħajr id-dokumenti mitluba.
L-ebda applikazzjoni ma tiġi pproċessata wara l-30 ta’ Ġunju 2025.
L-applikazzjonijiet għall-Istipendju Supplimentari, flimkien ma’ dokumenti aġġornati, għandhom jiġu sottomessi mill-istudenti għal kull sena akkademika.

It-tabella ‘t hawn taħt tipprovdi lista tad-dokumenti obbligatorji li jridu jiġi provduti mill-applikanti għal każijiet speċifiċi:

Studenti li għandhom dokument CRPD

L-istudenti li japplikaw għasll-għotjiet Supplimentri u għandhom dokument maħruġ mill-Kummissjoni għad-Drittijiet ta’ Persuni b’Diżabilità (CRPD) dawn jiġu kkunsidrati awtomatikament eliġibbli għall-iStipendju Supplimentari, inklużi l-Għotjiet Supplimentari (jekk applikabbli). L-istudenti li għandhom dan id-dokument għandhom itellgħu kopja valida tiegħu mal-applikazzjoni online.

F’dawn il-każijiet, id-dokumenti li juru d-dħul finanzjarju ma jkunux meħtieġa mill-Bord tal-Għotjiet għall-Manteniment tal-Istudenti. CRPD card li tkun skadiet m’għandhiex tiġi kkunsidrata.

Studenti li jgħixu f’Residenza ta’ Kura

L-istudenti li jgħixu f’residenza ta’ kura jiġu kkunsidrati awtomatikament eliġibbli għall-Istipendi u l-Għotjiet, inklużi mad-drittijiet Supplimentari.

Fl-applikazzjoni online, l-istudenti għandhom itellgħu prova dokumentarja uffiċjali tal-post fejn jgħixu. F’dawn il-każijiet, id-dokumenti li juru d-dħul finanzjarju ma jkunux meħtieġa mill-Bord tal-Għotjiet għall-Manteniment tal-Istudenti.

Kif tapplika

L-istudenti li biħsiebhom japplikaw għas-Supplimentari għandhom jidħlu fil-websajt https://studentgrants.gov.mt/login billi jużaw l-e-ID u l-password tagħhom biex jaċċessaw l-applikazzjoni għall-Istipendi u l-Għotjiet. L-istudenti għandhom imorru fuq il-paġna 3 tal-applikazzjoni.

Billi jagħfsu Iva għall-mistoqsija dwar id-dritt Supplimentari, l-istudenti għandhom jagħżlu ċ-ċirkustanza li abbażi tagħha qed japplikaw għas-Supplimentari. Huma jistgħu wkoll jiktbu kummenti li jispjegaw is-sitwazzjoni tagħhom fit-testbox ipprovduta.

Id-dokumenti kollha, inklużi dawk għas-Supplimentari, għandhom jiġu mtellgħin fuq il-paġna 4, verżjonijiet elettronika tal-applikazzjoni. L-istudenti għandhom jiżguraw li d-dokumenti kollha juru informazzjoni korretta għax applikazzjonijiet b’informazzjoni mhux kompluta jew inkorretta jistgħu jiġu rifjutati jew miżmuma pendenti sakemm l-istudenti jtellgħu j d-dokumenti li jiċċaraw is-sitwazzjoni tagħhom.

Test tal-Mezzi

Il-Bord tal-Għotjiet għall-Manteniment tal-Istudenti jiddetermina l-eliġibbiltà għas-Supplimentari billi juża test tal-mezzi bbażat fuq id-dħul totali tad-dar (household), tal-ġenituri/gwardjan (guardian) jew ta’ ma min qed jabbitaw tas- sena kalendarja preċedenti. Tingħata konsiderazzjoni xierqa lill-għadd ta’ persunu li jabitaw fl-istess dar li jkunu għadhom għaddejjien fl-edukazzjoni taghhom.

Fil-grid ‘t hawn l-istudenti għandhom isibu l-aġġornati tat-test tal-mezzi finanzzjarji li jkunu qed jiġu implementati fl-assesjar tal-applikazzjonijiet tagħhom għall-Għotjiet Supplimentari.

Il-grid riveduta hija ibbażata fuq il-Proposta tal-Manifest Elettorali, EMP 262 – “Inwessgħu l-eliġibbiltà għall-għajnuna Supplimentari” għal studenti li qed jistudjaw f’livell ta’ edukazzjoni Post-Sekondarju, Vokazzjonali jew Terzjarju u li huma eliġibbli għall-istipendju.

Din hija it-tieni darba mill-2017 li r-rati tas-Supplimentari qed jiġu riveduti.

€18,000	Family Rate
€12,500	Single Rate
€15,200	Single Parent rate

Aġġustament Annwali:

Il-grid tal-mezzi msemmija hawn fuq tiġi aġġustata kull sena bl-ammont maqbul mal-Ministeru għall-Politika Soċjali u d-Drittijiet tat-Tfal.

Noti Importanti:

Il-formoli kollha tal-Gvern huma soġġetti għal monitoraġġ u valutazzjoni mill-Better Regulation Unit fi ħdan l-Uffiċċju tal-Prim Ministru (OPM), sabiex tiġi żgurata l-implimentazzjoni ta’ Regolamentazzjoni Aħjar fis-Settur Pubbliku.

Il-Bord tal-Għotjiet għall-Manteniment tal-Istudenti qed jinforma li jista’ juża, iżomm u jaqsam informazzjoni personali u dettalji oħra li l-istudenti jkunu sottomettew fl-applikazzjoni online tagħhom:

għad-determinazzjoni ta’ eliġibbiltà futura f’konformità mal-ipproċessar legali taħt ir-Regolament Ġenerali dwar il-Protezzjoni tad-Dejta (GDPR), Artiklu 6 (b); u
għal skopijiet statistiċi.

Il-Bord tal-Għotjiet għall-Manteniment tal-Istudenti jżomm id-dritt li jwettaq verifiki ma’ awtoritajiet oħra dwar id-dokumenti u l-veraċità tal-informazzjoni pprovduta mill-applikanti.

L-istudenti li jonqsu milli jinfurmaw lill-Bord dwar kwalunkwe tibdil fiċ-ċirkustanzi li jaffettwa l-eliġibbiltà tagħhom, ikunu responsabbli li jirrifondaw l-istipendi u l-għotjiet kollha li jkunu rċevew.

Ippubblikat nhar it-Tlieta ta’ April 2025

Stipendji u Għotjiet Supplimentari

© Government of Malta 2025